Sport24.az
"Mançester Yunayted" növbəti transferini gerçəkləşdirib. Sport24.az xəbər verir ki, bu barədə klubun mətbuat xidməti məlumat yayıb.
İngiltərə klubu Patrik Dorqu ilə heyətini gücləndirib. "Leççe"dən keçən 20 yaşlı sol cinah müdafiəçisi ilə 2030-cu ilin iyununa qədər müqavilə imzalanıb. Daha öncə mətbuatda yayılan xəbərlərə əsasən, Mançester təmsilçisi bu transferə görə İtaliya klubuna 35 milyon avro ödəyib.
Qeyd edək ki, Patrik Dorqu bu mövsüm "Leççe"nin heyətində 23 oyuna çıxaraq 3 qol vurub və 1 qolun ötürməsini edib.
