Premyer Liqanın XXXII turunun ikinci oyun gününün son matçı Sumqayıtda keçiriləcək. Sport24.az xəbər verir ki, şəhərin eyniadlı təmsilçisi "Qarabağ"la üz-üzə gələcək.
Çempionluğu təmin edən Ağdam klubu son turlardakı uğursuzluqlara son qoymaq niyyətindədir. "Barselona"nın düşərgəsinə təcrübəyə yollanan Samir Abasovunsuz meydana çıxacaq "Sumqayıt" isə avrokuboklara vəsiqə üçün vacib xallar qazanmalıdır.
Qeyd edək ki, tura sabah keçiriləcək "Zirə" - "Araz-Naxçıvan" matçı ilə yekun vurulacaq.
Misli Premyer Liqası
IV dövrə, XXXII tur
20:00. "Sumqayıt" - "Qarabağ"
Hakimlər: Rauf Cabarov, Vüsal Məmmədov, Zöhrab Abbasov, Kamranbəy Rəhimov
Hakim-inspektor: Rəhim Həsənov
AFFA nümayəndəsi: Eldəniz Musayev
Sumqayıt. Mehdi Hüseynzadə adına şəhər stadionu.