Report.az
"Qarabağ"ın futbolçusu Olavio Juninyonun Braziliyanın "Flamenqo" klubuna mümkün keçidi ilə bağlı bütün məsələlərə bu həftənin sonuna kimi aydınlıq gələcək.
Bu barədə "Report"a Ağdam təmsilçisinin mətbuat xidmətinin rəhbəri Anar Hacıyev məlumat verib.
O, hazırda danışıqların davam etdiyini bildirib.
Qeyd edək ki, Braziliya mətbuatı "Qarabağ"ın 28 yaşlı hücumçu üçün "Flamenqo"nun 4 milyon avroluq təklifini rədd etdiyini yazıb. Olavio Juninyo 2023-cü ildən "köhlən atlar"ın formasını geyinir. O, Azərbaycan çempionatının və kubokunun qalibi olub.
