Idman.biz
"Neftçi" qadın futbol klubu Çempionlar Liqasının birinci təsnifat mərhələsinin birinci mini-turnirinin ikinci turunda oyun keçirib. Azərbaycan komandası bu mərhələnin bütün oyunlarının keçirildiyi Yunanıstanın Veriya şəhərindəki stadionda Yunanıstanın PAOK klubu ilə qarşılaşıb.
İdman.Biz-in məlumatına görə, matç Yunanıstan komandasının 3:0 hesablı qələbəsi ilə başa çatıb.
Bu qələbə ilə PAOK ikinci təsnifat mərhələsinin ikinci mini-turnirinə yüksəlib və orada Macarıstanın "Ferentsvaroş" komandası ilə qarşılaşacaq. "Neftçi"nin turnirdəki iştirakı başa çatıb: daha öncə mini-turnirdə Bakı komandası Monteneqronun "Buduçnost"unu məğlub edib (0:0, penaltilərdə 4:3).
16:47
Bu gün qadın futbolçulardan ibarət "Neftçi" klubu UEFA Çempionlar Liqasının birinci təsnifat mərhələsində final oyununa çıxacaq.
İdman.Biz xəbər verir ki, Siyasət Əsgərovun yetirmələri birinci qrupun həlledici görüşündə Yunanıstanın PAOK komandası ilə üz-üzə gələcəklər.
Yarımfinalda Monteneqronun "Buduçnost" kollektivini üstələyən "Neftçi" ilə "Hapoel"ə (Yerusalim, İsrail) qalib gələn PAOK-un dueli Bakı vaxtı ilə saat 19:30-da başlanacaq.
Yunanıstanın Veria şəhərində təşkil olunacaq matçı Moldova və Andorradan olan hakimlər briqadası idarə edəcək. Qarşılaşmanın qalibi ikinci təsnifat mərhələsinə yüksələcək.
25 iyul
19:30. PAOK – (Yunanıstan) - "Neftçi" (Azərbaycan)
Baş hakim: Oksana Kruk (Moldova)
Baş hakimin köməkçiləri: Valentina Zop (Moldova), Luis Akosta (Andorra)
Dördüncü hakim: Marta San Xuan (Andorra)
Veria Munisipal Stadionu
