Sport24.az
"Real"ın yarımmüdafiəçisi Luka Modriç virusa yoluxub. Sport24.az xəbər verir ki, bu barədə klubun rəsmi saytı məlumat yayıb. 39 yaşlı futbolçu İspaniya Superkubokunun yarımfinalında "Malyorka" ilə oyunu buraxacaq.
Görüş bu gün Səudiyyə Ərəbistanının Ciddə şəhərindəki "King Abdullah Sports Siti" stadionunda keçiriləcək. Oyun Bakı vaxtı ilə saat 23:00-da başlayacaq. Cütün qalibi finalda "Barselona"ya rəqib olacaq.
Qeyd edək ki, Luka Modriç cari mövsüm "Real"ın heyətində 27 matça çıxıb, 2 qol vurub və 4 qolun ötürməsini verib.
