Idman.biz
İspaniyanın "Real Madrid" komandasının braziliyalı müdafiəçisi Eder Militaonun yenidən ciddi zədə aldığı ehtimal olunur.
İdman.Biz xəbər verir ki, "Selta" ilə oyunun 24-cü dəqiqəsində müdafiəçi zədələnərək meydandan tibbi heyətin köməyi ilə çıxıb. Onu Rüdiger əvəzləyib.
Militao bundan əvvəl karyerasında iki dəfə diz ön çarpaz bağlarından zədə almışdı. Məhz bu fakt onun mümkün yeni zədəsinin də uzunmüddətli bərpa prosesi tələb edə biləcəyi ehtimalını gücləndirir.
"Real Madrid" klubu üzrə ixtisaslaşmış etibarlı insayder Arancha Rodrigesin yazdığına görə, braziliyalı müdafiəçi bu dəfə budun arxa əzələsindən zədələnib.
