Idman.biz
Azərbaycan yığmasının hücumçusu Mahir Emreli Almaniya 2-ci Bundesliqasında növbəti oyununa çıxıb.
İdman.biz xəbər verir ki, o, 3-cü turda "Kayzerslautern"in əsas heyətində yer alıb.
Səfərdə "Elversberq"in qonağı olan Mahirin komandası məğlubiyyət acısı yaşayıb. Qarşılaşma meydan sahiblərinin 2:1 hesablı qələbəsi ilə yekunlaşıb. Emreli görüşün 72-ci dəqiqəsində əvəzlənib.
Qeyd edək ki, "Kayzerslautern" ilk 3 tura iki dəfə uduzub, bir dəfə qalib gəlib. Mahirin növbəti rəqibi "Darmştadt" olacaq.
İdman.biz
