Sport24.az
"Barselona"nın ötən gecə İspaniya Superkubokunun yarımfinalıda "Atletik"lə oyunda zədələnən futbolçusu Robert Levandovskinin durumu müəyyənləşib. Sport24.az xəbər verir ki, bu barədə sport.es məlumat yayıb. 36 yaşlı hücumçu 73-cü dəqiqədə ayağında ağrı hiss edib. O, əvəzlənərkən meydanı axsayaraq tərk edib.
Levandovskinin zədəsi ciddi deyil. Qeyd olunur ki, onun İspaniya Superkubokunun finalında meydana çıxmasına heç bir maneə yoxdur.
Əlavə edək ki, bu mövsüm Robert "Barselona"nın heyətində bütün yarışlarda 26 matça çıxıb, 25 qol vurub və 2 qolun ötürməsini verib.
Xatırladaq ki, İspaniya Superkubokunun final oyunu yanvarın 12-də keçiriləcək. Kataloniya təmsilçisi həlledici görüşdə "Real" - "Malyorka" cütünün qalibi ilə qarşılaşacaq.
