Sport24.az
Almaniyanın "Kayzerslautern" klubu Azərbaycan millisinin hücumçusu Mahir Emrelinin komandadan ayrılmasına mane olmağa çalışır. Sport24.az-ın əldə etdiyi məlumata görə, II Bundesliqa təmsilçisi 28 yaşlı futbolçu ilə danışıqları davam etdirir.
Klub rəhbərliyi yeni mövsüm öncəsi Emrelini komandada saxlamaqda maraqlıdır. Bu məqsədlə futbolçuya daha çox oyun şansı veriləcəyi bildirilib. Rəsmilər hücumçunu fikrindən daşındıraraq əməkdaşlığı davam etdirməyə çalışırlar.
Qeyd edək ki, Mahir Emreli ötən mövsüm "Kayzerslautern"də gözlədiyi qədər forma şansı qazana bilməyib. Məhz bu səbəbdən Azərbaycan millisinin üzvü yay transfer dövründə klubunu dəyişməyi nəzərdən keçirir.
