Sport24.az
Bu gün keçiriləcək bir oyunla Misli Premyer liqasında 27-ci tura start veriləcək. Sport24.az xəbər verir ki, günün yeganə matçı Yevlaxda baş tutacaq.
"Karvan-Yevlax" doğma meydanda "Kəpəz"i qəbul edir. Turnir cədvəlinin aşağı pillələrində qərarlaşan hər iki komanda üçün bu qarşılaşma sadəcə növbəti oyun deyil – bu, mövsümün taleyini müəyyən edə biləcək prinsipial matçdır.
Komandalar arasında son görüş Gəncə təmsilçisinin 2:1 hesablı qələbəsi ilə başa çatıb. Bu nəticə "Kəpəz"ə müəyyən psixoloji üstünlük qazandırsa da, Yevlaxda keçiriləcək oyun tam fərqli ssenari ilə yadda qala bilər.
Hazırda "sarı-göylər" 21 xalla turnir cədvəlinin 10-cu pilləsində qərarlaşıb. Meydan sahibləri isə 8 xalla sonuncu – 12-ci pillədə yer alır. Bu fərqə baxmayaraq, meydan amili və azarkeş dəstəyi ev sahibi üçün əlavə motivasiya mənbəyi ola bilər.
"Qəbələ"nin cəmi 2 xal geridə olması Azər Bağırovun komandasının üzərində ciddi təzyiq yaradır. Bu səbəbdən Gəncə klubu üçün bu səfər oyunu həyati əhəmiyyət daşıyır və xal itkisi onların mövqeyini daha da risk altına sala bilər.
Qeyd edək ki, turun digər görüşləri sabah və bazar günü keçiriləcək.
Misli Premyer Liqası
III dövrə, XXVII tur
15:30. "Karvan-Yevlax" - "Kəpəz" 2:0 (Birinci hissə)
Qol: R.Rüstəmli, 38; 45+1
Hakimlər: Nicat İsmayıllı, Zeynal Zeynalov, Gülnurə Əkbərzadə, Ruslan Quliyev
VAR: Emin Əliyev
AVAR: Elçin Məsiyev
Hakim-inspektor: Ramil Diniyev
AFFA nümayəndəsi: Novruz Əzimov
Yevlax. Şəhər stadionu.
"Karvan-Yevlax": 99. Pedro Mateuş 6. Vadim Abdullayev (k) 33. Eltun Turabov 13. Vüsal Məsimov 14. Uğur Cahangirov 16. Rauf Rüstəmli 5. Emin Rüstəmov 20. Coy Sleyd Mikels 2. Şakil Sno 11. Kayl Spens 21. İmani Barker
Ehtiyat oyunçular: 1. Kamran İbrahimov 25. Əmrah Bulud 17. Samir Abdullayev 37. Mois Nqvisani 19. Tompson Qavi 8. Peter Kings 10. Samuel Durrant 4. Olavale Doyeni
Baş məşqçi: Füzuli Məmmədov
"Kəpəz": 33. Yusif İmanov 7. Ehtiram Şahverdiyev 77. Fərid Nəbiyev 88. Şakir Seyidov 11. Rəhman Hacıyev 6. Camal Cəfərov 9. Luis Paçu 24. Olavale Onanuqa 12. Mahamadu Ba (k) 14. Adama Fofana 4. Mate Abuladze
Ehtiyat oyunçular: 22. Məmməd Hüseynov 81. Elgün Bayramov 99. Əli Səmədov 5. Rauf Hüseynli 17. Ümid Səmədov 20. Elcan Əbilov 23. Fərid Kələntərov 66. Arzu Atakişiyev 21. Sadiq Şəfiyev 80. Şahnur İsmayılov 57. Amur Yusifov 10. Ryonosuke Ohori
Baş məşqçi: Azər Bağırov
