Qol.az
"İnter"in baş məşqçisi Simone İnzaqi UEFA Çempionlar Liqasının 1/4 final mərhələsinin cavab oyunlarında keçiriləcək "Bavariya" ilə görüş haqda danışıb.
QOL.az "Mundo Deportivo"ya istinadən xəbər verir ki, o, bu barədə deyib:
"Biz Münhendə çox layiqli çıxış etdik. Orada qalib gəlmək üçün yaxşı oynamalı idik və biz nəticə ilə razıyıq. Amma, təəssüf ki, bu final deyildi. İndi dünyanın ən güclü komandalarından biri – "Real"la yanaşı, "Bavariya"ya qarşı da əla bir oyun keçirməliyik.
Oğlanlarla və mövsümün necə keçdiyi ilə fəxr edirəm. Bu, çox çətin bir matç olacaq. İlk oyunun nəticəsini unutmalıyıq. Amma həmin görüşdə göstərdiyimiz oyunu yadda saxlamalıyıq, çünki çox yaxşı oynamışdıq. Qarşımızda kimin olduğunu bilirik və yenə də mükəmməl bir oyun keçirməliyik".
Qeyd edək ki, komandalar arasında ilk görüş İtaliya təmsilçisinin 2:1 hesablı qələbəsi ilə yekunlaşıb. Cavab matçı sabah Milanda, Bakı vaxtı ilə saat 23:00-da keçiriləcək.
