Idman.biz
Mərakeş millisinin sabiq futbolçusu Hakim Ziyeş "Vidad Kasablanka"dan ayrılıb.
İdman.Biz xəbər verir ki, 33 yaşlı hücumameyilli yarımmüdafiəçi ilə klub arasında müqaviləyə qarşılıqlı razılıq əsasında xitam verilib və Ziyeş azad agent statusu alıb.
Ziyeş Mərakeş klubuna ötən il qoşulub. O, "Vidad"ın heyətində 16 oyuna çıxıb və doqquz qol vurub.
33 yaşlı futbolçu karyerası ərzində "Herenven", "Tvente", "Ayaks", "Çelsi", "Qalatasaray", "Əl-Duhail" və "Vidad Kasablanka"da çıxış edib. O, Mərakeş millisində 51 oyun keçirib.
