Sport24.az
"Komandada atmosfer yaxşıdır. Təlim-məşq toplanışında bütün futbolçular iştirak edir. Hazırlıq prosesi əvvəlcədən nəzərdə tutduğumuz plan üzrə davam edir". Bu sözləri Sport24.az saytına açıqlamasında "Araz Naxçıvan"ın baş məşqçisi Elmar Baxşıyev deyib.
Baş məşqçi fasilə dönəmində heç kimlə vidalaşmaq fikrincə olmadıqlarını da vurğulayıb: "Komandadan göndərilən olmayacaq. Heyətimizi yeni futbolçu ilə gücləndirə, bizə uyğun, keyfiyyətli oyunçu olacağı təqdirdə heyətə cəlb edə bilərik. Amma transfer xətrinə futbolçu gətirmək doğru deyil".
Qeyd edək ki, "Araz-Naxçıvan" qış fasiləsinə ikinci pillədə yollanıb.
