Bundesliqa: "Union Berlin" "Maynz"ı, "Haydenhaym" "Köln"ü, "Hamburq" isə "Frayburq"u səfərdə məğlub etdi

Futbol üzrə Almaniya Bundesliqasının 33-cü turunda "Union Berlin" səfərdə "Maynz"a 3:1 hesabı ilə qalib gəlib.

İdman.Biz xəbər verir ki, qonaqlar 38-ci dəqiqədə hesabı açıblar. Alyoşa Kemlyaynın ötürməsindən sonra Andrey İliç fərqlənərək "Union Berlin"i önə keçirib. Fasiləyə qədər hesab dəyişməyib.

İkinci hissənin əvvəlində "Maynz" tarazlığı bərpa edib. 48-ci dəqiqədə Şeraldo Beker Paul Nebelin assistindən sonra topu tora göndərib. Lakin görüşün sonlarında Oliver Börk və Yosip Yuranoviçin qolları Berlin klubuna qələbə qazandırıb.

Bu nəticədən sonra "Maynz" 38 xalla Bundesliqanın turnir cədvəlində 10-cu pillədə qalıb. "Union Berlin" isə xalını 36-ya çatdıraraq 12-ci sıraya yüksəlib.

21:43

Futbol üzrə Almaniya Bundesliqasının 33-cü turunda "Haydenhaym" səfərdə "Köln"ə 3:1 hesabı ilə qalib gəlib.

İdman.Biz xəbər verir ki, görüşün əsas hadisələri ilk hissədə yaşanıb. Səkkizinci dəqiqədə Yan Şöppner Ariyon İbrahimoviçin ötürməsindən sonra qonaqları önə keçirib. "Köln" buna tez cavab verib və onuncu dəqiqədə Marius Bülter Tom Krausun assisti ilə hesabı bərabərləşdirib.

Buna baxmayaraq, "Haydenhaym" fasiləyə üstün yollanıb. 28-ci dəqiqədə Ariyon İbrahimoviç fərqlənərək komandasını yenidən hesabda irəli çıxarıb. 72-ci dəqiqədə isə Şöppner ikinci qolunu vuraraq görüşdə yekun nəticəni müəyyənləşdirib.

Bu qələbədən sonra "Haydenhaym" xalını 26-ya çatdırıb və sonuncu pillədən 17-ci yerə yüksəlib. "Köln" isə 32 xalla 14-cü sırada qalıb.

19:48

Futbol üzrə Almaniya Bundesliqasının 33-cü turunda "Hamburq" doğma meydanda "Frayburq"a 3:2 hesabı ilə qalib gəlib.

İdman.Biz xəbər verir ki, qarşılaşmada hesab 14-cü dəqiqədə açılıb. "Hamburq"un futbolçusu Beykeri Catta Albert Qrönbekin ötürməsindən sonra komandasını önə keçirib. Cəmi iki dəqiqə sonra İqor Matanoviç "Frayburq"un bərabərlik qolunu vurub.

İkinci hissədə meydan sahibləri yenidən üstünlüyü ələ alıblar. 64-cü dəqiqədə Luka Vuşkoviç, 67-ci dəqiqədə isə Fabio Balde fərqlənərək "Hamburq"un qələbəsini yaxınlaşdırıb.

"Frayburq" 87-ci dəqiqədə Matanoviçin ikinci qolu ilə fərqi azaltsa da, məğlubiyyətdən qaça bilməyib.

Bu nəticədən sonra "Hamburq" xalını 37-yə çatdırıb və turnir cədvəlində 11-ci pillədə qərarlaşıb. "Frayburq" isə 44 xalla yeddinci sıradadır.