Sport24.az
Rusiya Premyer Liqasında çıxış edən və azərbaycanlı iş adamı Tufan Sadıqovun təsisçisi və prezidenti olduğu "Ximki" fəaliyyətini dayandıracaq. Sport24.az xəbər verir ki, bu barədə jurnalist İvan Karpov sosial şəbəkə hesabında məlumat paylaşıb.
Mənbənin sözlərinə görə, artıq gənclərdən ibarət komandanın futbolçularına bu gün son məşqin olduğu bildirilib. Mayın 30-da onlardan borclarını ödəmədən müqavilələrinə xitam verən sənədlərə imza atmaları istəniləcək.
Qeyd edək ki, çərşənbə günü məlum olub ki, Apellyasiya Komitəsi "Ximki"nin 2025/26 mövsümündə RPL-də iştirak etmək üçün lisenziya verməkdən imtina ilə bağlı şikayətini təmin etməyib. Bundan sonra klub növbəti mövsüm Rusiya Premyer Liqasında oynamayacağını təsdiqləyib.
