Idman.biz
Qadın futbolçular arasında Azərbaycan - Macarıstan oyunu başa çatıb.
İdman.Biz bildirir ki, macarlar oyundan qalib ayrılıblar - 2:1.
Bu komandaların ilk oyunu da macarların xeyrinə başa çatmışdı - 1:0.
19:43
Qadın futbolçular arasında Azərbaycan - Macarıstan oyununda hesab dəyişib.
İdman.Biz bildirir ki, 85-ci dəqiqədə Vanessa Nagi qonaqları irəli çıxarıb - 1:2.
19:34
Qadın futbolçular arasında Azərbaycan - Macarıstan oyununda hesab bərabərləşib.
İdman.Biz bildirir ki, 74-cü dəqiqədə Xanım Əsədova bərabərlik qolunu vurub - 1:1.
19:03
Qadın futbolçular arasında Azərbaycan - Macarıstan oyununda ikinci hissə başlayıb.
İdman.Biz bildirir ki, birinci yarıdan sonra macarlar irəlidədir - 0:1.
18:49
Qadın futbolçular arasında Azərbaycan - Macarıstan oyununda ilk hissə bitib.
İdman.Biz bildirir ki, birinci yarıdan sonra macarlar irəlidədir - 0:1.
18:16
Qadın futbolçulardan ibarət Azərbaycan millisi dünya çempionatının seçmə mərhələsində növbəti oyununa çıxıb.
İdman.Biz xəbər verir ki, millimiz Sumqayıtdakı Mehdi Hüseynzadə adına şəhər stadionunda Macarıstanla qarşılaşır.
Oyunun 12-ci dəqiqəsində Diana Çani macarları hesabda irəli çıxarıb.
09:41
Bu gün qadın futbolçulardan ibarət Azərbaycan millisi dünya çempionatının seçmə mərhələsində növbəti oyununa çıxacaq.
İdman.Biz xəbər verir ki, Siyasət Əsgərovun rəhbərlik etdiyi komanda C Liqasının üçüncü qrupunda Macarıstan yığmasını qəbul edəcək.
Qarşılaşma Sumqayıtdakı Mehdi Hüseynzadə adına şəhər stadionunda keçiriləcək və saat 18:00-da start götürəcək.
Azərbaycan millisi seçmə mərhələdə keçirdiyi əvvəlki oyunlarda Andorra üzərində iki qələbə qazanıb, Şimali Makedoniyanı məğlub edib. Yığmamızın qrupda yeganə məğlubiyyəti isə məhz Macarıstana qarşı səfər matçında qeydə alınıb.
Hazırda qrupda iddiasını davam etdirən Azərbaycan millisi doğma meydanda qazanacağı uğurlu nəticə ilə liderlik uğrunda mübarizədə mövqeyini daha da gücləndirməyə çalışacaq.
Qeyd edək ki, yığmamız seçmə mərhələdə növbəti görüşünü iyunun 9-da Şimali Makedoniyaya qarşı keçirəcək.
