Sport24.az
"Əsla peşman deyiləm". Sport24.az xəbər verir ki, bu sözləri səfərdə "Turan Tovuz"a 0:4 hesabı ilə uduzduqları mövsümün son oyunundan sonra keçirilən mətbuat konfransında "Kəpəz"in baş məşqçisi Azər Bağırov deyib.
O, klub rəhbərliyi ilə fikirlərinin üst-üstə düşmədiyini deyib: "Oyun barəsində çox danışmağa dəyməz. Nəticə oyun başlamamış bəlli idi.
Dünən futbolçularla görüş oldu. Həmin görüşün neqativ nəticəsi də bu gün meydanda göründü. Rəhbərliklə fikirlərimiz üst-üstə düşmədi. Belə qərara gəldik ki, yollarımızı ayıraq. "Kəpəz" barədə çox danışmaq istəmirəm. Mənim öz baxışlarım var".
Bağırov futbolçuların bilərəkdən nələrsə etdiyini düşünmədiyini dilə gətirib: "Heç vaxt belə bir şey ola bilməz. Mənim burada haqqım var. Ona görə haqqım var ki, ailəmdən daha çox vaxımın çoxunu burada keçirmişəm. Mən həmişə futbolçulara bir söz demişəm ki, həmişə düz olmalısan. Düz olsan, hər şey rahat olacaq.
Əsla peşman deyiləm. Bəlkə, həftələr əvvəl bu baş versəydi, "Kəpəz" Premyer Liqada qalmayacaqdı. Amma mən düşünürəm ki, bu azarkeşlər gələn il də "Kəpəz"i burada görməlidirlər. Çünki Gəncəyə böyük futbol yaraşır.
Aleksey Baqanın gəlməsi ilə bağlı mediadan oxuyurduq. Amma belə deyim, şərtlər məni qane etmədi, mən komandadan ayrılıram. Kim gəlirsə, gəlsin, əsas odur Gəncədə futbol yaşasın".
