Sport24.az
Türkiyənin "Trabzonspor" klubu hücum xəttini yeni oyunçu ilə gücləndirib. Sport24.az xəbər verir ki, Super Liqa nəhəngi "Sauthempton"dan Pol Onuaçunu transfer edib.
Bu barədə klubun mətbuat xidməti məlumat yayıb.
"Trabzonspor" nigeriyalı forvard üçün İngiltərə klubuna 5,6 milyon avro təzminat ödəyəcək. Onuaçu ilə 3+1 illik müqavilə imzalanıb. 31 yaşlı forvardın illik maaşı 2 milyon avro olacaq.
Qeyd edək ki, Pol Onuaçu ötən mövsüm "Sauthempton"un heyətində Premyer Liqada meydana çıxdığı 25 matçda 4 qol və 1 məhsuldar ötürmə ilə yadda qalıb. Təcrübəli futbolçu 2023/2024 mövsümündə icarə əsasında "Trabzonspor"un formasını geyinib.
