Idman.biz
Bu gün UEFA Avropa Liqasında finalçılar bəlli olub.
İdman.biz xəbər verir ki, həlledici oyuna İngiltərənin iki klubu vəsiqə qazanıb.
Liqa mərhələsində Azərbaycan çempionu "Qarabağ"ın rəqibi olmuş "Bodo-Qlimt" və "Tottenhem" komandaları bu dəfə Norveçdə üz-üzə gəliblər. İngilislər ilk oyunda olduğu kimi səfərdə də qalib gəliblər. Görüş 2:0 hesabı ilə yekunlaşıb.
Digər yarımfinalda isə "Mançester Yunayted" evdə "Atletik"lə qarşılaşıb. Erkən qol vuran qonaq komanda ümidlənsə də, sona yaxın "qırmızı şeytanlar" 4 qol vuraraq, cütün taleyini həll ediblər.
Qeyd edək ki, final qarşılaşması mayın 21-də Bilbaoda keçiriləcək.
UEFA Avropa Liqası
Yarımfinal, cavab oyunları
8 may
23:00. "Bodo-Qlimt" - "Tottenhem" - 0:2
Qollar: Solanke, 63. Porro, 69
İlk oyun - 1:3
23:00. "Mançester Yunayted" - "Atletik" - 4:1
Qollar: Maunt, 72; 90+1. Kazemiro, 80. Hoylund, 83 - Jauregizar, 31
İlk oyun - 3:0
Qeyd edək ki, UEFA Avropa Liqasının finalı mayın 21-də İspaniyanın Bilbao şəhərindəki "San Mames" stadionunda keçiriləcək.
İdman.biz
