Sport24.az
"Milli komanda üzərində iş gedir. Qarşıda iki yoldaşlıq oyunu var. Qayda belədir ki, ikinci matçdan sonra heyəti təkminləşdirirsən". Bu sözləri Sport24.az-a açıqlamasında Məşqçilər Komitəsinin üzvü Ağasəlim Mircavadov deyib.
Təcrübəli mütəxəssis yığmamızın AVRO-2028-ə vəsiqə qazanacağına inanmadığını bildirib:
"Məni hesab yox, oyun maraqlandırır. O da yoxdur. Oyun var xal olacaq, oyun yoxdu xal olmayacaq. AFFA-nın prezidenti Rövşən Nəcəf də Hesabat Konfransındakı çıxşında yığmamızın çıxışından narazı qaldığını bildirdi. edib. Hazırda vəziyyət ağırdır, oyunçularımız azdır. Yaşlı futbolçularımız isə çoxdur. İndiki cavanlar ümidləri doğrultmurlar, aşağı səviyyədə çıxış edirlər. Bu heyətə AVRO-2028-ə vəsiqə qazanacağımıza inanmıram. 50 ilə yaxın futbol təcrübəm var. Yığmada gəncləşdirmə siyasəti olmur. Millinin baş məşqçisi futbolçunun pasportuna yox, oyununa baxmalıdır. Yığmada çıxış etməyə layiqsənsə, buyur, meydan sənindir. AVRO-2028-də komandaların sayı artacaq. Ancaq çətin ki, biz bu heyət və belə oyunla qitə çempionatının final mərhələsində çıxış edək".
