Report.az
UNESCO-nun İdmanda Dopinqə Qarşı Beynəlxalq Konvensiyası üzrə Tərəflər Konfransının 10-cu sessiyasının (COP10) Bakıdakı tədbirində vacib məsələlər müzakirə olunub.
"Report"un məlumatına görə, bu barədə UNESCO-nun Sosial siyasət və inklüzivlik üzrə direktoru Qustavo Merino jurnalistlərə açıqlamasında bildirib.
Qurum rəsmisi Azərbaycanda təşkil olunan beynəlxalq tədbirin gedişatını və tərəfdaşlıq əlaqələrini yüksək qiymətləndirib:
"Azərbaycanın ev sahibliyi ilə keçirilən "Təmiz idman fəaliyyətdə" forumunda idmanda dürüstlüyün artırılması və konvensiyanın fəaliyyətinin gücləndirilməsi istiqamətində vacib aspektləri müzakirə etdik. Bu tədbirin reallaşmasına göstərdiyi böyük maraq və dəstəyə görə Gənclər və İdman Nazirliyinə, şəxsən nazir Fərid Qayıbova və qurumun bütün əməkdaşlarına dərin təşəkkürümü bildirirəm".
Onun sözlərinə görə, bu, təkcə peşəkar idmançılar üçün deyil, həm də həvəskarlar arasında dürüstlüyü və ədalətli oyun prinsiplərini qorumaq, dopinqi tamamilə sıradan çıxarmaq məqsədi daşıyan mühüm layihədir.
