Report.az
Fransa millisinin baş məşqçi postuna 2026-cı il dünya çempionatından sonra Zinəddin Zidan təyin olunacaq.
"Report" xəbər verir ki, bu barədə insayder Fabritsio Romano məlumat yayıb.
Bildirilib ki, hazırkı baş məşqçi Didye Deşam mundial başa çatdıqdan sonra vəzifəsindən ayrılacaq.
Fransa millisi dünya çempionatının yarımfinalında İspaniyaya 0:2 hesabı ilə məğlub olub. Komanda turnirdə üçüncü yer uğrunda oyunda iştirak edəcək.
Qeyd edək ki, Zinəddin Zidan sonuncu dəfə İspaniyanın "Real" klubunu çalışdırıb. O, Madrid təmsilçisinə 2016–2018 və 2019–2021-ci illərdə rəhbərlik edib. Zidanın baş məşqçiliyi dövründə "Kral klubu" üç dəfə UEFA Çempionlar Liqasının, iki dəfə İspaniya çempionatının və iki dəfə İspaniya Superkubokunun qalibi olub.
