Report.az
Misli Premyer Liqasının XXVI turunda "Turan Tovuz" səfərdə "İmişli" ilə qarşılaşıb.
"Report" xəbər verir ki, Quba Olimpiya İdman Kompleksinin stadionunda baş tutan qarşılaşma 1:1 hesablı heç-heçə ilə yekunlaşıb.
Hesabı ev sahiblərindən 45-ci dəqiqədə Dioqo Kardozu açıb. Qərb təmsilçisinə 1 xal gətirən qolu isə 53-cü dəqiqədə Mark Rene Mampassi vurub.
Bu nəticədən sonra "Turan Tovuz" 49 xalla turnir cədvəlində 3-cü sırada yer alıb. 23 xala malik "İmişli" isə 9-cudur.
Qeyd edək ki, daha əvvəl "Qəbələ" "Kəpəz"i (2:0), "Neftçi" "Sumqayıt"ı (3:1), "Qarabağ" "Karvan-Yevlax"ı (7:0) məğlub edib.
