Report.az
İtaliyanın "İnter" klubunun hücumçusu Lautaro Martines zədə alıb.
"Report" xəbər verir ki, bu barədə Milan təmsilçisinin mətbuat xidməti məlumat yayıb.
Bildirilib ki, 28 yaşlı argentinalı futbolçu sol baldır əzələsindən xəsarət alıb. Onun bərpa müddəti hələlik dəqiqləşdirilməyib və vəziyyəti yaxın günlərdə yenidən qiymətləndiriləcək.
Qeyd edək ki, Martines 2025/2026 mövsümündə "İnter"in heyətində 36 oyunda iştirak edib və 20 qol vurub. Hazırda "İnter" A Seriyasında 31 turdan sonra 72 xalla turnir cədvəlinə başçılıq edir.
