Report.az
Almaniyanın "Borussiya" (Dortmund) komandası müdafiəçi Niko Şlotterbek ilə müqavilənin müddətini uzadıb.
"Report" xəbər verir ki, bu barədə klubun mətbuat xidməti məlumat yayıb.
26 yaşlı futbolçu ilə yeni sözləşmə 2031-ci ilin yayına qədər nəzərdə tutulub. Onun əvvəlki müqaviləsinin vaxtı 2027-ci ildə başa çatmalı idi.
Qeyd edək ki, Şlotterbek 2025/2026 mövsümündə "Borussiya"nın heyətində 31 oyunda meydana çıxıb və 4 qol vurub. O, 2022-ci ilin yayında Almaniyanın "Frayburq" klubundan Dortmund təmsilçisinə transfer olunub.
Futbolçu "Borussiya"da ümumilikdə 155 oyun keçirib və 10 qolla yadda qalıb.
