Idman.biz
"Çox güclü məşqçi heyətimiz, dostlarımız var, qardaşım da buradadır. Onlar məni bürünc medal uğrunda mübarizəyə ruhlandırdılar, mənə dedilər ki, mən döyüşçüyəm və sona qədər mübarizə aparmalıyam".
İdman.biz xəbər verir ki, bu sözləri Budapeştdə keçirilən dünya çempionatında bürünc medal qazanan cüdoçumuz Zelim Kotsoyev (100 kq) deyib.
Olimpiya çempionu məşqçilərin qazanılan nəticələrdə rolunu xüsusi qeyd edib: "Üç medal qazanmağımız önəmlidir. Amma bizim məşqçilər o qədər zəhmətlə çalışırlar ki, düşünürəm, bu medallar kifayət deyil – onlar daha artığını haqq edirlər. Keçən il dünya çempionatında iki qızıl medal qazanmağımızdan sonra bu dəfə gözləntilər daha böyük idi".
Kotsoyev həmçinin İspaniya təmsilçisi Nikoloz Şerazadişvili ilə təsəlliverici görüşdə onu motivasiya edən anı belə xatırlayıb: "Dörddəbir finalda uduzduqdan sonra təsəlliverici görüşə heç bir hiss olmadan çıxdım. Əhvalım heç yox idi. Amma Nikoloz mənə qarşı fənd işlədəndə sanki oyandım – hisslərim qayıtdı. Mən "vaza-ari" ilə uduzurdum və bu mənə lazım olan motivasiya idi. Hesabı bərabərləşdirdim, görüş əlavə vaxta getdi, hər ikimiz çox yorulmuşduq. Rəqibin kiçik bir səhv etdiyini düşünürəm. Amma bu cüdodur".
O, həmçinin dünya çempionlarının geyindiyi kimononun arxasındakı qırmızı işarə ilə vidalaşmasına da münasibət bildirib: "Hamı mənə qarşı sanki finalda çıxış edirmiş kimi mübarizə aparırdı! Bunu hiss edirəm və anlayıram. Amma artıq kimononun arxasında qırmızı nişan yoxdur. Hər halda, arxada hələ də Olimpiya çempionuna məxsus qızıl nişan var – buna görə də hər şey qaydasındadır. İndi evə, ailəmin yanına gedirəm, iki həftəlik istirahətim olacaq".
İdman.biz
