Idman.biz
Belaruslu cüdoçular beynəlxalq yarışlarda öz ölkələrini təmsil edə biləcəklər.
İdman.biz xəbər verir ki, Belarus Milli Olimpiya Komitəsinin açıqlamasına görə, bu ölkənin idmançıları dövlət bayrağı, gerbi və himni altında beynəlxalq cüdo yarışlarına qatılacaqlar.
Beynəlxalq Cüdo Federasiyası (IJF) İcraiyyə Komitəsinin bununla bağlı qərar verdiyi bildirilir.
2022-ci ilin martında Belarus cüdoçularına tətbiq olunan sanksiyaların ləğv edilməsi qərarı iyunun 1-dən qüvvəyə minəcək. Beləliklə, Belarus idmançıları qarşıdakı dünya çempionatında öz bayraqları altında çıxış edə biləcəklər. Turnir iyunun 13-20-də Budapeştdə keçiriləcək.
Bununla belə, IJF Belarusa qarşı tətbiq olunan sanksiyaların ləğvini rəsmən elan etməyib.
Qeyd edək ki, 2023-cü ilin aprelindən etibarən Rusiya və Belarus idmançıları yalnız neytral statusda beynəlxalq yarışlarda iştirak edə bilirlər.
İdman.biz
