Sport24.az
Bu gün Gürcüstanın paytaxtı Tbilisidə "Böyük Dəbilqə" turniri start götürəcək. Sport24.az xəbər verir ki, yarışın ilk günündə Azərbaycan cüdoçularından dördü tatami üzərinə çıxacaq.
Kişilər arasında Turan Bayramov (66 kq) 1/32 finalda fransalı Kilian Noelə üz-üzə gələcək. Eyni çəkidə Rəşad Yelkiyev isə 1/16 finalda niderland təmsilçisi Yoxem van Hartenlə qarşılşacaq.
Qadınların mübarizəsində Könül Əliyeva (48 kq) monqolustanlı Mişel Altanşaqayınla münasibətlərə aydınlıq gətirəcək. Mübarizəyə 1/8 finaldan başlayan Leyla Əliyeva (52 kq) isə israilli Gefen Primo ilə üz-üzə gələcək.
Qeyd edək ki, "Böyük Dəbilqə"nin təsnifat mərhələsi saat 10:00-da, final bloku isə 17:00-da başlayacaq. Turnirə martın 23-də yekun vurulacaq.
