Idman.biz
Azərbaycan cüdoçuları Latviyanın paytaxtı Riqada keçiriləcək kata üzrə Avropa çempionatında mübarizə aparacaq.
İdman.biz xəbər verir ki, Qitə yarışında ölkəmiz 4 idmançı ilə təmsil olunacaq.
Təmsilçilərimiz "Nage-no-kata" və "Katame-no-kata" üzrə çıxış edəcəklər. Turnirdə 22 ölkədən 332 cüdoçu qüvvəsini sınayacaq.
Nage-no-Katada İsmayıl Rzayev (tori, hücum edən idmançı), Samir İsmayılov uke (hücum edilən idmançı), Katame-no-katada Rafiq Nəcəfov (tori), Seymur Məcidli (uke) mübarizə aparacaq.
Qeyd edək ki, mayın 31-də start götürəcək yarış iyunun1-də yekunlaşacaq.
İdman.biz
