Idman.biz
"Sabah"ın basketbolçusu Şirzad Şirzadov komandanın Litvada keçirilən təlim-məşq toplanışındakı hazırlığı ilə bağlı təəssüratlarını bölüşüb.
İdman.biz xəbər verir ki, oyunçu komandada ab-havanın yaxşılaşdığını, basketbolçular arasında qarşılıqlı əlaqənin getdikcə daha koordinasiya olunduğunu qeyd edib.
"Yüksək səviyyədə hazırlaşırıq. Təbii ki, yorğunluq bəzən özünü hiss etdirir, amma məşq davam edir. Bir neçə yoxlama oyunu keçirdik. Avroliqada təcrübəsi olan çoxlu təcrübəli basketbolçuları olan "Jalqiris"lə görüş xüsusilə çətin oldu. Amma indi komandada gözəl ab-hava var və matçdan matça kimi bir-birimizi daha yaxşı başa düşürük", - Şirzadov mətbuat xidmətinə bildirib.
Xatırladaq ki, "Sabah" FİBA Çempionlar Liqasının müntəzəm mövsümündə ilk dəfə Azərbaycanı təmsil edəcək. Litvada keçirilən təlim-məşq toplanışında komanda "Yuventus" (90:83), "Qarqjday" (96:92) və "Nevezis"ə (108:82) qalib gəlib, "Neptunas" (88:98) və "Jalgiris"ə (58:75) uduzub.
İdman.biz
