Sadıq Sadıqov: "Rimas Kurtinaytisin onun üçün həyəcan yaratması “Neftçi” üçün böyük bir qələbədir" - MÜSAHİBƏ

"Neftçi" İdman Klububunun İdarəetmə aparatının rəhbəri Sadıq Sadıqovun AZƏRTAC-a müsahibəsi

- Liqada 2024/2025-ci illər mövsümü başa çatdı. Ümumilikdə, sezonu necə dəyərləndirərdiniz?

- Mövsümə yaxşı başlamamışdıq. Hətta sonuncu yerdəydik. Heç kim bizi pley-offda görmürdü. Lakin mövsümün gedişində dəyişiklər etdik və sonda finala vəsiqə qazandıq.

- "Sabah"la final seriyasında qarşılaşdınız və komanda 4:2 hesabı ilə məğlub oldu…

- "Sabah"a qarşı final seriyasının oyunlarında layiqli mübarizə apardıq. Hətta iki oyunda qalib gələ bildik. Amma rəqib həqiqətən də güclü komandadır. Heyətində yüksək səviyyəli basketbolçular var. 28 yaşlı gənc mütəxəssis Daviti Çivçivadze dünyaşöhrətli məşqçi Rimas Kurtinaytisi həyacanlandırdısa, bu, "Neftçi" üçün böyük uğurdur.

- Komandada növbəti il üçün köklü dəyişikliklər gözlənilir?

-"Sabah"dan başqa, ikinci yeri tutan komanda da avrokuboklara gedə bilər. Amma hələlik dəqiq bir şey yoxdur. Müəyyən məsələlər var. Əgər beynəlxalq arenada oynasaq, heyətdə dəyişikliklər olacaq. Elə oyunçular gətirmək istəyirik ki, avrokuboklarda Azərbaycanı layiqincə təmsil edək.

- Gümüş medal qazanan komandaya mükafat verməyi düşünürsünüzmü?

-İdmançılarla bağladığımız müqavilədə yalnız çempion olacaqlarını təqdirdə mükafat alacaqları qeyd olunub. İndiki durumda bu məsələ reallaşmayacaq.

- "Neftçi" İdman Klubu olaraq basketbol üzrə seleksiya işləri aparırsınız?

- "Neftçi" İdman Klubunun aşağı yaş qrupları üzrə basketbol komandası da var. Təxminən 40-a yaxın uşaq bu idman növünün sirlərini öyrənir. Bundan əlavə, 3-4 gənc oyunçu əsas komanda ilə birgə məşq edir və legionerlərdən müəyyən biliklər alır.

- Bu prosesslə bağlı qarşınıza hansısa məqsəd qoymusunuz?

- Məqsədimiz Azərbaycan millisinə keykiyyətli basketbolçular yetişdirməkdir. Komanda üçün bundan böyük uğur ola bilməz. Azərbaycan Basketbol Liqasının matçları həddində artıq gərgin və maraqlı keçir. Bu çempinatda istənilən kollektivdən sürpriz gözləmək olar. "Quba", "Şəki", "Gəncə" kimi bölgə klubları liqada yaxşı mübarizə apardılar. Onların heyətində olan gənc oyunçular ölkə basketbolunun gələcəyi sayılırlar.

İdman.biz