Idman.biz
Bu axşam "Neftçi" basketbol klubu avrokuboklarda debüt edəcək. Bakı təmsilçisi Avropa Kubokunun qrup mərhələsindəki ilk oyununda Polşanın "Trefl" komandası ilə qarşılaşacaq.
Komandanın əhval-ruhiyyəsi və məqsədləri nədən ibarətdir?
Bu suala İdman.biz-ə açıqlamasında "Neftçi" İdman Cəmiyyətinin rəhbəri Sadıq Sadıqov cavab verib:
"Komandamız qətiyyətlidir. Bizim yeganə məqsədimiz qələbədir. Təəssüf ki, ailə məsələlərinə görə Polşada komandanı şəxsən dəstəkləyə bilməyəcəyəm, amma oyunu izləyəcək və uşaqlara azarkeşlik edəcəyəm. "Neftçi"nin avrokuboklardakı ilk oyununda qalib gəlməsi və basketbol azarkeşlərini sevindirmək üçün əlimizdən gələni edəcəyik. Növbəti mərhələyə keçmək üçün qrupda ən azı ikinci yeri tutmalıyıq və əminəm ki, bu, uşaqların gücü çatan bir hədəfdir", - deyə Sadıq Sadıqov bildirib.
Qeyd edək ki, oyun bu gün Polşanın Sopot şəhərində Bakı vaxtı ilə saat 21:15-də keçiriləcək.
Vüqar Vüqarlı
