Idman.biz
Bu gün Paris məhkəməsi iyun ayında Fransada kibercinayətkarlıq ittihamı ilə saxlanılan 26 yaşlı rusiyalı basketbolçu Daniil Kasatkinin ABŞ-yə ekstradisiyasına dair sorğuya baxacaq.
İdman.biz xarici KİV-ə istinadən xəbər verir ki, məhkəmə yerli vaxtla 14:00-da (Bakı vaxtı ilə 16:00-da – red.) başlayacaq.
ABŞ-nin təqdim etdiyi və hakimin istinad etdiyi ekstradisiya orderinə əsasən, D.Kasatkin ABŞ-də internet dələduzluğuna görə 5 il, texnologiya fırıldaqçılığına görə isə 20 ilə qədər həbs cəzası gözləyir.
Xatırladaq ki, sentyabrın 10-da keçirilən prosesdə müstəntiq hakim idmançıdan ekstradisiyaya razı olub-olmadığını soruşub. D. Kasatkin ekstradisiyadan imtina edib. İndi isə məhkəmə onun ABŞ-yə ekstradisiya edilib-edilməməsinə qərar verməlidir.
Qeyd edək ki, D.Kasatkin SSKA idman məktəbinin yetirməsidir. O, "Ximki" və Milli Basketbol Assosiasiyasının(MBA) klublarında çıxış edib.
