Idman.biz
"Neftçi"nin baş məşqçisi Vitali Stepanovski komandasının Azərbaycan Basketbol Liqasının açılış turunda "Sabah" ilə oyununu şərh edib.
İdman.biz bildirir ki, qarşılaşma "Sabah"ın 86:75 hesablı qələbəsiylə yekunlaşıb.
"Oyuna inamlı başladıq. Basketbolçularımız enerji ilə oynadılar və tapşırıqlarını yerinə yetirdilər. İlk 15 dəqiqədə hər şey plan üzrə getdi: möhkəm müdafiə və arxa plana nəzarət sayəsində öndə keçdik. Lakin ikinci hissənin sonunda bir sıra səhvlərə yol verdik və intizamı itirdik, rəqib komandanın lideri Hassani Qravett bundan yararlandı. Fasilədən sonra vəziyyət qayda pozuntularına görə pisləşdi. Bu, bizi heyətimizi yenidən qurmağa məcbur etdi", - məşqçi qeyd edib.
Stepanovski vurğulayıb ki, üçüncü hissədə "Neftçi"nin hücum təşkilatçılığı zəifləyib, komanda çoxlu səhvlərə yol verib və rəqibə asanlıqla xal qazanmağa şərait yaradıb: "Son hissədə oyunu dəyişməyə çalışdıq və bəzən buna nail olduq. Oyunçuların fədakarlığından məmnunam, lakin onların uzaqdan atışları məyusluq yaratdı. Komandanın yaxşı potensialı var, müdafiəmizi və hücumumuzu yaxşılaşdırmalıyıq. Bunun üzərində işləməyə davam edəcəyik".
