Idman.biz
Basketbol üzrə 2025-ci il Avropa çempionatının qrup mərhələsinin beşinci turunun yekunlarına əsasən, pley-off mərhələsində iştirak edəcək milli komandaların ilk dörd cütü müəyyənləşib.
İdman.biz xəbər verir ki, Serbiya yığmasına 95:90 hesabı ilə qalib gələn Türkiyə millisi də 1/8 finala yüksəlib. Pley-offda Türkiyə İsveçlə qarşılaşacaq. 1/8 finalın daha 3 cütlüyü də məlumdur. Belə ki, Almaniya Portuqaliya, Litva Latviya, Serbiya isə Finlandiya ilə oynayacaq.
Turnirin 1/8 final oyunları sentyabrın 6-7-də keçiriləcək.
1/4 final qarşılaşmaları ayın 9-10-da, yarımfinal matçları isə 12-də təşkil olunacaq. Avropa çempionunu müəyyənləşdirəcək final və üçüncülük görüşləri sentyabrın 14-də baş tutacaq.
Turnir dörd ölkədə - Kipr, Finlandiya, Polşa və Latviyada keçirilir. Bundan əvvəlki Avropa Basketbol Çempionatı 2022-ci ildə keçirilib. Yarışın çempionu ispanlar olub.
İdman.biz
