Idman.biz
"Abşeron Lions"un baş məşqçisi Erhan Toker komandasının Azərbaycan Basketbol Liqasının II turunda "Gəncə" ilə oyununu şərh edib.
İdman.Biz bildirir ki, qarşılaşma "Abşeron Lions"un 98:96 hesablı qələbəsi ilə bitib.
"Bu, çox yüksək səviyyəli matç oldu. Biz hələ də Avrokubokda oynadığımız üçün bu matç bizim hazırlığımızın yaxşı sınağı idi. Ceyms Freyzerin yoxluğu ciddi itki idi və komandanın belə bir vəziyyətdə oyunun necə öhdəsindən gələcəyini görmək lazım idi", - məşqçi qeyd edib.
Tokerin sözlərinə görə, onun oyunçuları hərdən sadə səhvlərə yol verərək rəqiblərinə sürətli hücumlar etməyə imkan verirdilər. "Gəncə" yaxşı mübarizə apardı və matç azarkeşlər üçün möhtəşəm keçdi. Qüsurlara baxmayaraq, sonda diqqətli müdafiəmiz sayəsində qələbəni təmin edə bildik", - məşqçi vurğulayıb.
Toker De'Ondre Ceksonun 31 xallıq performansını da yüksək qiymətləndirib: "Mən onun potensialını yaxşı bilirəm. Biz ondan bir neçə mövqedə istifadə edirik - müdafiədə və hücumda. O, bu gün məsuliyyəti öz üzərinə götürdü və əla oyun keçirdi".
