Idman.biz
Basketbol üzrə Amerika çempionatı qrup mərhələsinin oyunu dava ilə bitib.
İdman.biz xəbər verir ki, Argentina və Dominikan Respublikası komandalarının matçında hakimin final fitindən sonra oyunçular dalaşmağa başlayıblar.
Davanın əsas iştirakçılarından biri "San Antonio"nun hücumçusu Devid Cons-Qarsiya olub. O, bir neçə dəfə rəqiblərinin üzünə zərbə endirib.
Dominikan Respublikası 35 dəqiqə boyunca hesabda geri olsa da, oyunu əlavə vaxta daşıyaraq sonda 84:83 hesablı qələbə qazanıb.
FIBA insidentə görə intizam qərarını açıqlayıb.
Devid Cons-Qarsiya iki oyunluq diskvalifikasiya edilib. Onun komanda yoldaşları Xuan Gerrero, Xuan Suero və Anxel Delqado isə bir oyunluq cəza alıblar. Delqado üç il də sınaq müddətində olacağından daha bir oyunu buraxa bilər.
Argentina tərəfindən isə Qonsalo Bressan 2 oyunluq, Fransisko Kaffaro və Xuan Volet hərəyə 1 oyunluq cəzalandırılıblar. Komandanın baş məşqçisi 2 min frank məbləğində cərimə ödəməlidir.
Bundan başqa, iki ölkənin basketbol federasiyası hərəyə 20 min İsveçrə frankı məbləğində cərimələnib. Bu cərimənin 10 min frankı şərti cəzadır və üç illik sınaq müddəti ilə tətbiq olunur.
İdman.biz
