Idman.biz
"Hyuston Rokets"in 23 yaşlı türk basketbolçusu Alperen Şengün etiraf edib ki, "EuroBasket 2025"də Türkiyə millisində oynamaq ona yeni NBA mövsümünə daha yaxşı hazırlaşmağa kömək edib.
İdman.biz bildirir ki, Avropa çempionatında ("EuroBasket 2025") Türkiyə millisi finalda Almaniyaya uduzaraq ikinci yeri tutub.
"EuroBasket"də oynamaq mənə NBA mövsümünə hazırlaşmağa kömək etdimi? Əlbəttə. Milli komandada oynadıqdan sonra uzun müddət istirahət etmədim və bu mənim üçün yaxşı oldu. Buraya formada qayıtdım və mövsümə hazır oldum. Fiziki cəhətdən özümü daha yaxşı hiss edirəm", - Şengün deyib.
2024/25 NBA müntəzəm mövsümündə Şengün 76 oyunda iştirak edib, orta hesabla 19,1 xalı, 10,3 ribaundu və 4,9 ötürməsi var.
