Idman.biz
23 yaşlı basketbolçu Denq Mayar ABŞ-nin Yuta ştatında su anbarında faciəvi şəkildə həyatını itirib.
İdman.biz xəbər verir ki, "Daily Mail" nəşrinin məlumatına görə, NCAA tələbə liqadında çıxış etmiş idmançı dostu ilə birlikdə Solt Leyk Sitinin cənubunda yerləşən Herriman şəhərindəki "Blackridge" su anbarında olarkən bədbəxt hadisə baş verib.
Bir anda hər iki gənc suda çətin vəziyyətə düşüb. Basketbolçunun dostu sahilə çıxmağı bacarıb, lakin Den Mayar bunu edə bilməyib.
Hadisədən sonra dostu ona kömək etmək üçün suya qayıtsa da, təəssüf ki, artıq gec olub. Mayar suyun dibinə enib və bir daha üzə çıxmayıb.
Axtarış-xilasetmə əməliyyatı nəticəsində onun cəsədi tapılıb. Dostu isə xəstəxanaya yerləşdirilib və vəziyyətinin sabit olduğu bildirilir.
Qeyd edək ki, Mayar ötən mövsüm Şimali Dakota Universitetinin komandasında çıxış etmişdi. O, növbəti çempionatda Nebraska Omaha Universitetinin şərəfini qoruyacaqdı.
İdman.biz
