Report.az
Azərbaycan Texniki Universitetinin idman zalında 2013, 2014 və 2015-ci il təvəllüdlü qızlar arasında basketbol üzrə milli komandaya seçim turu baş tutub.
Bu barədə "Report"a Azərbaycan Basketbol Federasiyasından məlumat verilib.
Qadınlardan ibarət millimizin baş məşqçisi Evren Alkayanın rəhbərlik etdiyi seçimlərdə ümumilikdə 61 nəfər iştirak edib.
Onlardan 23 nəfər milli komandaya seçilərək rəsmi olaraq milli məşqçilərin nəzarətinə götürülüb.
Qurumdan bildirilib ki, belə seçim turları ölkə basketbolunda gənc istedadların üzə çıxarılması və gələcəkdə milli yığma komandanın gücləndirilməsi istiqamətində atılan mühüm addımlardan biridir.
basketbol Azərbaycan Basketbol Federasiyası seçim turu Milli komanda
