Sport24.az
Qadın və kişi voleybolçular arasında Yüksək Liqanın 2025–2026-cı illər mövsümü start götürür. Sport24.az xəbər verir ki, qadınların yarışına oktyabrın 14-də Gəncə İdman Sarayında "Gəncə" – "AZERRAIL" oyunu ilə başlanacaq.
Oktyabrın 15-də AVF-nin İdman zalında "DH Volley" – "Abşeron", UNEC-in İdman zalında isə UNEC – "Milli Aviasiya Akademiyası" qarşılaşmaları keçiriləcək. Birinci turda "Turan" klubu istirahət edəcək.
Kişilərin Yüksək Liqasında I tur oktyabrın 16-da start götürəcək. FHN-in İdman zalında "Neftçi" – ORDU, "Murov Az Terminal" klubunun zalında isə "Murov Az Terminal" – "AZERRAIL" oyunları baş tutacaq.
Qadınlarda 9 komanda, kişilərdə isə 6 komanda mövsümdə çıxış edəcək. Hər tur qadınlarda bir komanda istirahət edəcək.
Oyunların qısa cədvəli:
Qadınlar, I tur
14 oktyabr, 15:00: "Gəncə" – "AZERRAIL", Gəncə İdman Sarayı
15 oktyabr, 15:00: "DH Volley" – "Abşeron", AVF İdman zalı
15 oktyabr, 15:00: UNEC – "Milli Aviasiya Akademiyası", UNEC İdman zalı
Kişilər, I tur
16 oktyabr, 15:00: "Neftçi" – ORDU, FHN İdman zalı
16 oktyabr, 15:00: "Murov Az Terminal" – "AZERRAIL", "Murov Az Terminal" İdman zalı
