Idman.biz
Voleybol üzrə yeniyetmə oğlanlardan ibarət yığmamız (2008-2009) bu gün Belarusa yola düşüb.
İdman.biz xəbər verir ki, komandamız Minskdə Belarusun 18 yaşadək oğlanlardan ibarət millisi ilə birgə təlim-məşq toplanışı keçəcək.
İyunun 12-ə kimi davam edəcək birgə təlim-məşq toplanışı ilə yanaşı, komandalar arasında yoxlama oyunları da təşkil olunacaq.
Yeniyetmə oğlanlardan ibarət millinin baş məşqçisi Cahangir Seyed Abbasi təlim-məşq toplanışına 15 idmançı ilə yollanıb.
Qeyd edək ki, komandamız bu il ölkəmizdə keçiriləcək MBD Oyunlarında ölkəmizi təmsil edəcək.
İdman.biz
