Idman.biz
"Bu, Polina Rəhimovanın karyerasında yeni bir mərhələdir".
İdman.biz xəbər verir ki, beynəlxalq voleybol mediasə Azərbaycan voleybolçusu Polina Rəhimovanın Yunanıstanın "Panionios" klubuna keçidinə belə reaksiya verib.
"Worldofvolley" portalı bu transferlə bağlı böyük ümidlərin olduğunu yazıb: "Rəhimovanın karyerası bir neçə qitəni əhatə edir – o, Asiya, Avropa və Cənubi Amerikanın aparıcı liqalarında çıxış edib. O, öz zəngin beynəlxalq təcrübəsi ilə Yunanıstan klubunun həm daxili, həm də avrokubok yarışlarına hazırlığına töhfəsini verəcək".
Polinanın Braziliyadakı son mövsümünə də diqqət çəkilib: "34 yaşlı voleybolçu ötən mövsümü "Osasko" klubunda keçirib və burada Paulista çempionluğu, Braziliya kuboku və Superliqa da daxil olmaqla üç böyük titulun qazanılmasında əsas rol oynayıb. Sabit oyunu və hücumdakı məhsuldarlığı onu məşhurlaşdırıb və voleybol analitikləri və şərhçiləri tərəfindən dəfələrlə tərif qazanıb".
İdman.biz
