İdman.biz
16 yaşadək voleybolçu qızlardan ibarət komandamız Şərqi Avropa Voleybol Zonal Assosiasiyası (EEVZA) çempionatında iştirak etmək üçün bu gün Polşanın Debica şəhərinə yola düşüb.
İdman.biz xəbər verir ki, Şahin Çatmanın rəhbərlik etdiyi Azərbaycan millisi Estoniya, Litva və Ukrayna yığmaları ilə üz-üzə gələcək.
Komandamız ilk matçını noyabrın 20-də Estoniyaya qarşı keçirəcək. Noyabrın 20-23-də baş tutacaq yarış AVRO-2025-ə seçmə xarakteri daşıyır. Reqlamentə əsasən, çempion qitə birinciliyinin final mərhələsinə vəsiqə əldə edəcək.
U-16 millimizin heyəti:
Oyunçular: Nisə Əlizadə, Mələk Hacızadə, Aysel Nəbiyeva, Fatimə Əliyeva, Liel Vetkina, Kamilla Manaxova, Çinarə Yusubova, Aylin Əlizadə, Dilarə Ağayeva, Nuray Vahablı, Zeynəb Quluzadə, Mədinə Əlibəyova, Məryəm Qocayeva, Çinarə Rəhimova.
Baş məşqçi: Şahin Çatma.
Məşqçilər: Hamid Anvari, Pərvin Səfərli.
İdman.biz
