Idman.biz
Türkiyəli diaqonal oyunçusu Ebrar Karakurt Rusiya çempionatını tərk edib.
İdman.biz xəbər verir ki, 25 yaşlı voleybolçu 2023-cü ilin iyunundan Kalininqrad şəhərini təmsil edən qadınlardan ibarət "Lokomotiv" komandasında çıxış edirdi.
Klub sosial şəbəkə səhifəsində bununla bağlı təsirli paylaşım edib: "Ebiyə möhtəşəm oyunu, qələbələrə verdiyi töhfə, çempionatın qızıl medalı və Rusiya kubokuna görə bütün qəlbimizlə təşəkkür edirik! Emosiyalarına və azarkeşlərə olan sevgisinə görə! Ebi, sən Rusiya qadın voleybolunun bəzəyi oldun, onu daha parlaq və maraqlı etdin! Sənin üçün darıxacağıq! "Əlvida!" demirik. "Görüşənədək!" deyirik. Gələcək karyeranda uğurlar. Həmişə səni "Loko"da gözləyəcəyik".
Karakurt Kalininqrad komandasının heyətində 2025-ci ildə qadınların Superliqası və Rusiya kubokunun qalibi, 2024-cü ildə isə çempionatın gümüş mükafatçısı olub. O, həmçinin "Vakıfbank"la Çempionlar Liqasının qalibi, Türkiyə millisi ilə isə Millətlər Liqasının çempionudur.
İdman.biz
