İdman.biz
Tovuz Regional Voleybol Klubunda (RVK) təlim-məşq toplanışı təşkil edilib.
İdman.biz xəbər verir ki, bu barədə Azərbaycan Voleybol Federasiyası məlumat yayıb.
Yeniyetmə və gənc qızlardan ibarət milli komandaların rəhbəri Şahin Çatmanın rəhbərlik etdiyi məşqlər mayın 12-14-də Tovuz OİK-də keçirilib. Məşqlərə Tovuz RVK-da məşq keçən 40-a yaxın yeniyetmə qız cəlb edilib. Burada gündə iki dəfə olmaqla uşaqlar həm fiziki, həm də texniki məşqlərə cəlb ediliblər. Həmçinin, gənclərə voleybol qaydaları ilə bağlı ətraflı məlumat verilib.
Qeyd edək ki, növbəti təlim-məşq toplanışı Gəncə RVK idmançıları üçün 15-16-17 may tarixlərində Gəncədə təşkil olunacaq.
İdman.biz
