İdman.biz
"Azərreyl"in çimərlik voleybolu üzrə qadınlardan ibarət komandası təşkil olunan çimərlik voleybolu üzrə klublararası Avropa Kubokunda finala yüksəlib.
İdman.biz xəbər verir ki, Fransanın Montpelye şəhərində keçirilən yarışın 1/4 finalında rəqibimiz Türkiyənin "TVF Spor Lisesi Ihtisas Kulübü" olub.
Təmsilçilərimiz hər iki oyunu qələbə ilə başa vurub. "Azərreyl" yarımfinalda "Edra Tata" (Macarıstan) ilə qarşılaşıb. Bu görüşün qalibi isə Qızıl setdə bəlli olub. Daha dəqiq olan qadınlarımız həlledici görüşə vəsiqə qazanıblar.
"Azərreyl" sabah finalda Ukraynanın "Sunrise Beach Spors Academy" komandası ilə qarşılaşacaq.
Avropa Kuboku
12 oktyabr
1/4 final
Qadınlar
"Azərreyl" - "TVF Spor Lisesi Ihtisas Kulübü" (Türkiyə) - 2:0 (21:13, 21:05)
"Azərreyl" - "TVF Spor Lisesi Ihtisas Kulübü" (Türkiyə) - 2:1 (18:21, 21:19, 15:10)
Yarımfinal
"Azərreyl" - "Edra Tata" (Macarıstan) - 2:0 (21:14; 21:18)
"Azərreyl" - "Edra Tata" (Macarıstan) - 1:2 ( 19:21; 21:19; 9:15)
Qızıl set
"Azərreyl" - "Edra Tata" (Macarıstan) - 15:11
İdman.biz
