İdman.biz
Azərbaycan Voleybol Federasiyasının Qəbələ şəhərində məşqçi-müəllimlər üçün təşkil etdiyi kurs başa çatıb.
İdman.biz xəbər verir ki, dörd gün davam edən AVF-nin "1-ci dərəcə" məşqçi kursunda Oğuz RVK-nın tərkibinə daxil olan şəhər və rayonlardanseminarda 15 məşqçi-müəllimi iştirak edib.
Dərslər FIVB-nin məşqçi-instruktoru, AVF-nin Təhsil şurasının rəhbəri Cengiz Akarçeşme tərəfindən keçirilib. Kursun sonuncu gününda iştirakçılar nəzəri və praktiki imtahan veriblər. Hər iki imtahanı uğurla keçən 14 mütəxəssisə AVF-nin "1-ci dərəcə" sertifikatı təqdim olunub.
Qeyd edək ki, Bakı və digər bölgələrdə təşkil olunacaq kurslarda AVF-nin "1-ci dərəcə" sertifikatını almış məşqçi-müəllimlər yerli çempionatlarda məşqçilik edə biləcəklər. Hər üç dərəcəni alacaq mütəxəssislər isə FIVB-nin Level-1 seminarında iştirak etmək hüququ qazanacaqlar.
İdman.biz
