İdman.biz
"Bir neçə həftədir ki, Avstriya komandasını analiz edirik".
Bunu İdman.bizə Azərbaycan millisinin voleybolçusu Nihad Qasımov deyib.
O, AVRO-2026-nın seçmə mərhələsində Avstriya ilə keçirəcəkləri ilk görüşü şərh edib. Qasımov bildirib ki, rəqib güclü komandadır: "Təcrübəli oyunçulara malikdir. Amma biz qalibiyyət üçün əlimizdən gələni etməyə çalışacağıq. Əsasən rəqibin son iştirak etdiyi oyunların videolarını analiz etdik, heyəti ilə tanış olduq. Məşqçilərimiz də buna uyğun olaraq hazırlığımızı tənzimlədilər. Demək olar ki, bütün oyunçuları analiz etmişik".
Onun sözlərinə görə, iyuldan start götürən məşqlərin nəticəsi olaraq həm fiziki, həm də texniki baxımdan yaxşı vəziyyətdədirlər: "Gürcüstanda təlim-məşq toplantısında 3 oyun keçirdik və hər birindən qələbə ilə ayrıldıq. Yenə də buraxdığımız səhvlər üzərində məşqlər edirik. Düşünürəm ki, tam hazırlıqlıyıq".
Qasımov vurğulayıb ki, bu matça olduqca yaxşı hazırlaşıblar: "Düzdür, komandamızda yetərincə gənc oyunçular var. Amma oyundan qələbə ilə ayrılmaq istəyirik. Sonadək mübarizə aparacağıq".
Qeyd edək ki, Avstriya - Azərbaycan qarşılaşması bu gün Bakı vaxtı ilə saat 22:30-da start götürəcək.
Banuçiçək Hüseynli
İdman.biz
