İdman.biz
"Avropa çempionatına hazırlıqlarımız yaxşı keçir".
İdman.biz xəbər verir ki, bunu Azərbaycan millisinin voleybolçusu Mərdan Məmmədov deyib.
Blokçu yığmanın Avropa çempionatının seçmə mərhələsinə hazırlığını dəyərləndirib. Gürcüstanda təlim-məşq toplanışında olan Məmmədov bildirib ki, yarışda özlərini yaxşı tərəfdən göstərməyə çalışacaqlar: "Tbilisidə Gürcüstan yığması ilə bir neçə yoxlama oyunu keçirdik və qələbə qazandıq. Komandada əlval-ruhiyyə yaxşıdır. Rəqiblərimizi analiz edirik. Belçika millisi ilə Qızıl Avropa Liqasında qarşılaşmışıq və rəqib qalib gəlmişdi. Bu dəfə çalışacağıq ki, revanş alaq. Avstriya millisi də güclü komandadır. Hər iki qarşılaşmada gözəl oyun göstərib qalib gəlmək üçün əlimizdən gələni edəcəyik".
Qeyd edək ki, Azərbaycan Avropa çempionatında Avstriya və Belçika millilərilə B qrupunda yer alıb. Yarışda oyunlar avqustun 17-də başlayacaq.
İdman.biz
